Biringanya zenye ufuta

Chukua kikaango kidogo na ukiweke kwenye jiko lenye moto wa wastani, kisha acha kikaango kipate moto. Weka mbegu za ufuta kwenye hicho kikaango, halafu kaanga bila kutumia mafuta huku ukikoroga na kutikisa kikaango mara kwa mara kwa muda wa dakika 1, kisha epua na uweke pembeni ili ipoe.

Chukua kinu. Weka ndani ya hicho kinu mbegu za ufuta ulizo zikaanga, kisha twanga hadi utakapo ona mbegu hizo zimesagika vizuri.

Chukua kikaango cha ukubwa wa wastani na ukiweke kwenye jiko lenye moto wa wastani, kisha acha kikaango kipate moto. Weka kwenye hicho kikaango, biringanya pamoja na chumvi, halafu funika kikaango, kisha pika kwa muda wa dakika 5 mpaka 7, au hadi utakapo ona zimebadilika rangi na kuwa na rangi ya kahawia. Ondoa biringanya hizo kwenye kikaango na uziweke pembeni kwenye kontena, kisha funika vizuri kontena hilo. Kumbuka kuzigeuza mara 1 au 2 wakati unapika.

Weka olive oil kwenye kikaango hicho hicho, kisha acha mafuta yapate moto. Weka binzari nyembamba, vitunguu swaumu, majani ya giligilani, biringanya ulizo zipika, pamoja na mango powder, kisha pika mchanganyiko huo huku ukikoroga mara kwa mara kwa muda wa dakika 5.

Nyunyizia garam masala pamoja na mbegu za ufuta, halafu koroga vizuri, kisha epua na upakue kwenye chombo safi, tayari kwa kula.